Tertulia literaria con Daniel Asorey (08/06/2018)

Dalle unha nova vida aos teus libros !!!, ano 2018

 

A entrega dos libros con motivo da celebración do Día do Libro adíase. Esperamos polo bo tempo

Día do Libro 2018

Próxima tertulia literaria

Tertulia literaria con Miriam Ferradás

                            23 de febreiro ás 9 da noite na biblioteca pública municipal de Quintela
                                                    Centro Sociocultural Daniel Castelao
                                                                      (entrada libre)

Microrrelato gañador do 15º Certame de Microrrelatos Lonxa Literaria

Lelalela


Non é que sexa rara, ten gustos definidos. Encántalle cantar, pero só en contacto coa auga. É como se fose serea, pero non quere ser romántica nin chorradas polo estilo e pénsase cabareteira, pero en plan ben, en plan Marlénditrich. Cando lava a louza canta baixiño, coas lubas plástico rosa, putyubleinonmi, bois. Só entende o dos bois e tira do bordo de goma, pupupidú. Deletréao co cú, como se tivese vinte e non case oitenta, iso non se di. Cando se ducha -nos días impares- fai algo de zarzuela. O resto dos días, que toca baño de asento, copla lixeira, delbarriodesantacrúereunhermozoclavé. Se hai pingueiras, que as hai, na súa bufarda velliña de pensionista, recolle gotas coa lingua e dáse a aquilo de miudiñomiudiño, e mesmo vai collendo unha lixeira borracheira; despois durme. Agora si, cando trona, cando o trebón de mediados de agosto ameaza con mandar unha chuvia case monzónica de tan mesta e pegañenta, Lilimarlén sae por rimeira e única vez da casa en todo o ano, coas botas militares herdadas de seu pai, morto dun disparo nas terras do Ebro, e cunha bata de guata que pagou en reais e oñeceu épocas de botóns e flores. Aí é cando canta até o dano, e remata chorando nas pozas, leliñaporqueneumorro, tola de amor, a vella tola. Hoxe tampouco virán por ela.

Emma Pedreira