Tertulia literaria con Lara Dopazo Ruibal

O próximo 6 de outubro, venres, ás 21:00 horas na Biblioteca Municipal de Moaña (Quintela), charlaremos con Lara Dopazo Ruibal sobre o seu poemario "Ovella", obra premiada no XIX Certame Francisco Añón de Poesía (Ano 2015)

Bases do XV Certame de Microrrelatos "Lonxa Literaria"

Próxima tertulia literaria: A ira dos mansos

                    "A ira dos mansos", de Manuel Esteban

O día 21 de abril, ás 9 da noite, na Biblioteca Municipal de Moaña. Contaremos, coma sempre, coa presenza do autor

Día do Libro 2017

LONXA LITERARIA DE MOAÑA

DÍA DO LIBRO 2017

Queres desfacerte deses libros aos que xa non sabes que lles facer?

Nós dámosche a posibilidade de darlles nova vida coa busca de novas persoas que os lean.

Recollemos doazóns de libros ata o 21 de abril na biblioteca municipal de Quintela (Moaña).

Os libros recollidos repartiranse o vindeiro sábado 22 de abril a partir das 5:30 da tarde no paseo marítimo

ANÍMATE E PARTICIPA

Tertulia literaria na Axencia de Lectura de Meiro (Bueu)

A escritora Inma López Silva conversará sobre o seu último libro o 23 de febreiro ás 20 horas na Axencia de Lectura de Meiro. Achégate!

Próxima tertulia literaria: "Galería de saldos", de Diego Giráldez

Mircrorrelato gañador XIV Certame Microrrelatos Lonxa Literaria

 

O ladrón de soños

Subín ó eirado da biblioteca pra me deleitar coas vistas: a dereita, máis aló dos arrabaldes, a chaira; de fronte, a praia co illote do Demo e o mar embravecido; ás miñas costas os bastos prados da cooperativa, e ao sur a serra do Mangoiro e os seus penedos facendo equilibrios nos cumios. Ata se vía pratear a fervenza do río Pequeno. Era día de feira e abaixo, na rúa, o tráfico e a xente parecían formigas rebulindo dun lado para outro. Mergullado na paisaxe e nas miñas lideiras, achegouse onda min un vello que, tralo saúdo de cortesía e un breve interrogatorio: que fas por aquí, de onde ves, entón tí de quen ves sendo... contoume que era músico, e faloume dun forasteiro que estivera na vila hai moito tempo, un descoñecido que por un recadeiro achegáralle unha moeda de ouro para que fora onda el. E iso fixera. Non tiña nada que perder, pensara. E pensara mal. Xa que perdera, e moito. Aquel estranxeiro roubáralle os soños, e todo por unha moeda de ouro! Dende aquela non volvera facer música. Dicía que sen soños non hai imaxinación e sen imaxinación non hai fantasía, nin música, nin contos, nin nada. Non sei o tempo que pasei cismanado niso. Xa era tarde, estaba só e aparvado, como se acabara de espertar dun sono. Freguei os ollos, botei unha última ollada darredor e baixei. Asemade atopei no chan unha moeda dourada e soou o móbil: número “descoñecido”. Casualidade? non sei, pode. Pero por se acaso, nin moeda nin chamada. Lisquei dalí.

 

Susana Villamor Prieto